പൊതുവായ തണുപ്പിക്കല്‍ വിദ്യകള്‍

• A. എങ്ങനെയാണ് എയര്‍ കൂളറുകള്‍ പ്രവര്‍ത്തിക്കുന്നത്?  

  ഒരു Usha എയര്‍ കൂളറിലേക്ക് ചൂടുള്ള വായു വലിച്ചെടുക്കുമ്പോള്‍, അത് നനവുള്ള ഒരു ഹണികോംബ് തണുപ്പിക്കല്‍ മാധ്യമത്തിലൂടെ കടന്നു പോകുന്നു. അത് ആ ഹണികോംബിലൂടെ കടന്നുപോകുമ്പോള്‍, ഹണികോംബിനു മുകളിലൂടെ ഒഴുകുന്ന ജലം വായുവില്‍ നിന്നും ചൂടിനെ ആഗിരണം ചെയ്യുകയും ജലം ബാഷ്പീകരിക്കുവാന്‍ കാരണമാകുകയും ചെയ്യുന്നു. ഇത് കൂടുതല്‍ തണുത്തതും, ഈര്‍പ്പമുള്ളതുമായ വായുവിന് കാരണമാകുന്നു. ഒരു ശക്തിയേറിയ ഫാന്‍ ഈ തണുത്ത വായുവിനെ മുറിക്കുള്ളിലേക്ക് തള്ളുന്നു. പഴയതും പഴകിയതുമായ വായു മുറിയില്‍ നിന്നും ഒരു തുറന്ന ജനാലയോ വാതിലോ വഴി പുറത്തേക്ക് ചംക്രമിപ്പിക്കുമ്പോള്‍ പുതുമയുള്ളതും, ഈര്‍പ്പം നിറഞ്ഞതും, തണുത്തതുമായ വായുവിന്‍റെ ഒരു സ്ഥിരമായ ഒഴുക്കാണ് അതിന്‍റെ പരിണത ഫലം.

  

• B. എയര്‍ കൂളറുകളും എയര്‍ കണ്ടീഷണറുകളും തമ്മിലുള്ള വ്യത്യാസം എന്താണ്?  

  1. എയര്‍ കണ്ടീഷണറുകള്‍ക്ക് ചൂടു വായുവിനെ ആഗിരണം ചെയ്ത് തണുത്ത വായുവായി ഘനീഭവിപ്പിക്കുന്നതിന് ഒരു രാസ തണുപ്പിക്കല്‍ റെഫ്രിജെറന്‍റും ഊര്‍ജ്ജം ഉപയോഗിക്കുന്ന ഒരു കംപ്രസ്സറും ആവശ്യമാണ്. ചൂടു വായുവിനെ മുറിക്കു പുറത്തേക്ക് വിടേണ്ടതാണ്. എയര്‍ കണ്ടീഷണറുകളുടെ കൂടുതല്‍ സങ്കീര്‍ണ്ണമായ നിര്‍മ്മാണം അവയെ വാങ്ങുന്നതിന് കൂടുതല്‍ ചെലവേറിയതാക്കുകയും ഉപയോഗിക്കുമ്പോള്‍ അവ ഗണ്യമായ അളവ് അധിക വൈദ്യുതി ഉപയോഗിക്കുകയും ചെയ്യുന്നു.
  2. ഉള്ളിലേക്കു വരുന്ന ചൂടു വായുവിനെ തണുപ്പിക്കുന്നതിന് എയര്‍ കൂളറുകള്‍ ജല ബാഷ്പീകരണത്തിന്‍റെ സ്വാഭാവിക പ്രക്രിയ ഉപയോഗിക്കുകയും പുതുതായി തണുപ്പിച്ച വായുവിനെ പുറന്തള്ളുന്നതിന് ശക്തിയേറിയ ഒരു ഫാന്‍ ഉപയോഗിക്കുകയും ചെയ്യുന്നു. ദ്രവ ജലം നീരാവിയായി മാറുമ്പോള്‍ (ബാഷ്പീകരണത്തിലൂടെ) വരണ്ട വായുവിന്‍റെ ഊഷ്മാവ് ഗണ്യമായി താഴുന്നു.

• C. എന്താണ് Usha എയര്‍ കൂളറിന്‍റെ നേട്ടം?  

  i. കുറഞ്ഞ വാങ്ങല്‍ വില

  Usha ഇവാപ്പൊറേറ്റീവ് എയര്‍ കൂളറുകള്‍ ഒരു ബജറ്റ്-സൗഹാര്‍ദ്ദ തണുപ്പിക്കല്‍ തെരഞ്ഞെടുപ്പാണ് കാരണം അവ വാങ്ങുന്നതും ഉപയോഗിക്കുന്നതും താങ്ങാനാവുന്നതാണ്.

  ii. കുറഞ്ഞ വൈദ്യുതി ഉപഭോഗം

  Usha ഇവാപ്പൊറേറ്റീവ് എയര്‍ കൂളറുകള്‍ വളരെ കുറച്ച് വൈദ്യുതി മാത്രമേ ഉപയോഗിക്കുന്നുള്ളൂ. ഒരു എയര്‍ കൂളര്‍ പ്രവര്‍ത്തിപ്പിക്കുന്നതിന് ഒരു എയര്‍ കണ്ടീഷനിംഗ് യൂണിറ്റ് പ്രവര്‍ത്തിപ്പിക്കുന്നതിനേക്കാള്‍ ഗണ്യമായ അളവു കുറവ് വൈദ്യുതിയേ ആവശ്യമുള്ളൂ എന്നത് വൈദ്യുതി വില കൂടുതലുള്ള നഗരങ്ങളില്‍ അവയെ ആകര്‍ഷണീയമായ ഒരു തണുപ്പിക്കല്‍ മാധ്യമാക്കി മാറ്റുന്നു.

• D. എന്‍റെ Usha എയര്‍ കൂളറിന്‍റെ സ്വാധീനം എങ്ങനെ വര്‍ദ്ധിപ്പിക്കാം?  

  i. കുറഞ്ഞ ഹ്യുമിഡിറ്റിയില്‍ (ഈര്‍പ്പം) കൂടുതല്‍ നന്നായി പ്രവര്‍ത്തിക്കുന്നു 

  പരമാവധി ആപേക്ഷിക ഈര്‍പ്പം 60% അല്ലെങ്കില്‍ അതില്‍ കുറവുള്ള പ്രദേശങ്ങളിലാണ് ഇവാപ്പൊറേറ്റീവ് എയര്‍ കൂളറുകള്‍ കൂടുതല്‍ ഫലപ്രദം.  കൂടുതല്‍ ഫലപ്രദമായ ബാഷ്പീകരണത്തിലൂടെയുള്ള തണുപ്പിക്കലിന് ചൂടുള്ളതും വരണ്ടതുമായ വായു സുപ്രധാനമാണ്, കൂടുതല്‍ വരണ്ട പരിസ്ഥിതികളില്‍ താപത്തിലുണ്ടാവുന്ന കുറവ് കൂടുതലായിരിക്കും കാരണം, ഈര്‍പ്പം കുറഞ്ഞിരിക്കുമ്പോഴാണ് ഉയര്‍ന്ന അളവില്‍ ബാഷ്പീകരണം നടക്കുന്നത്. ഇവാപ്പൊറേറ്റീവ് എയര്‍ കൂളറുകള്‍ ഈര്‍പ്പം ഉല്പാദിപ്പിക്കുന്നതിനാല്‍ ഒരു മുറിയിലെ ഹ്യുമിഡിഫിക്കേഷന്‍ വര്‍ദ്ധിപ്പിക്കുവാന്‍ ഉപയോഗിക്കാവുന്നതാണ്. കൂടുതല്‍ വരണ്ട പ്രദേശങ്ങളില്‍ ഉള്ള വീടുകളില്‍ ഒരു തണുത്ത ഇളംകാറ്റ് നിലനിര്‍ത്തുകയും സുഖം വര്‍ദ്ധിപ്പിക്കുകയും ചെയ്യുന്നതിന് അവ ഉത്തമമമാണ്.

  ii. എയര്‍ കൂളറുകള്‍ക്ക് ക്രോസ്സ് വെന്‍റിലേഷന്‍ ആവശ്യമാണ്.

  

  ഇവാപ്പൊറേറ്റീവ് എയര്‍ കൂളറുകള്‍ അടഞ്ഞ ഇടങ്ങളില്‍ ഉപയോഗിക്കരുത്. തടസ്സരഹിതമായ വായുപ്രവാഹം അനുവദിക്കുന്നതിന് വാതിലുകളും ജനാലകളും തുറക്കേണ്ടതാണ്. പുറത്തുള്ള വായുവിനെ വലിച്ചെടുക്കുകയും ഒരു ജനാലയിലൂടെയോ വാതിലിലൂടെയോ പുറന്തള്ളുന്നതിനു മുമ്പ് അതിനെ മുറിക്കുള്ളില്‍ ചംക്രമണം ചെയ്യിക്കുകയും ചെയ്തുകൊണ്ട്, ഒരു തുറന്ന വാതിലിനു സമീപം വക്കുമ്പോഴാണ് ഒരു എയര്‍ കൂളര്‍ ഏറ്റവും നന്നായി പ്രവര്‍ത്തിക്കുന്നത്. ഒരു വ്യക്തി എയര്‍ കൂളറില്‍ നിന്നു പുറത്തേക്കു വരുന്ന വായു പ്രവാഹത്തിനു സമീപമായിരിക്കുമ്പോഴാണ് പരമാവധി തണുപ്പിക്കല്‍ പ്രഭാവം അനുഭവപ്പെടുന്നത്.

• E. എന്താണ് ഹണികോംബ്?  

  ഒരു എയര്‍ കൂളറിലെ ഹണികോംബ് ബാഷ്പീകരണ തണുപ്പിക്കല്‍ പാഡുകള്‍ വായുവിന് കടന്നു പോകുന്നതിനുള്ള ജലം പിടിച്ചു വക്കുന്ന സവിശേഷ മാധ്യമമാണ്. ഈ പാഡുകളുടെ രൂപകല്പന ഒരു തേനീച്ചക്കൂടിന്‍റെ ഘടനയുമായി സാദൃശ്യമുള്ളതാണ്, അതുകൊണ്ടാണ് ഈ പേര്. അവ സാമ്പ്രദായികമായ വുഡ് വൂള്‍ തണുപ്പിക്കല്‍ പാഡുകളെ അപേക്ഷിച്ച് കൂടുതല്‍ വേഗമേറിയ തണുപ്പിക്കലും, കൂടുതല്‍ ഈടും, കൂടുതല്‍ മെച്ചമായ കാര്യക്ഷമതയും പ്രദാനം ചെയ്യുന്നു ഹണികോംബ് പാഡ് നിര്‍മ്മിച്ചിരിക്കുന്നത് ചീത്തയാകുന്നതിനെ ചെറുക്കുവാനായി രാസപരമായി ട്രീറ്റു ചെയ്യപ്പെട്ടതും, അങ്ങനെ ഉപയോഗിക്കുന്നതിനുള്ള കാലാവധി ദീര്‍ഘിപ്പിച്ചു നല്കപ്പെട്ടതുമായ എന്‍ജിനിയര്‍ ചെയ്യപ്പെട്ട, കട്ടിയുള്ള ഒരു സെല്ലുലോസ് പേപ്പറില്‍ നിന്നാണ്. ക്രോസ് ഫ്ളൂട്ട് ചെയ്യപ്പെട്ട, സമമല്ലാത്ത കോണുകളോടി കൂടിയ പാഡ് ഡിസൈന്‍ ഏറ്റവും മികച്ച തണുപ്പിക്കലിനു വേണ്ടി വായുവിനെയും ജലത്തിനെയും കലര്‍ത്തുന്നതിനു വേണ്ടി ഉള്ളതാണ്. 

• F. എന്താണ് സ്മാര്‍ട്ട് ഷീല്‍ഡ് ടെക്നോളജി?  

  i. USHA കൂളറുകള്‍ ഇപ്പോള്‍ വരുന്നത് എന്‍9 പ്ലാസ്റ്റിക്സിനാല്‍ ശക്തീകരിക്കപ്പെട്ട സ്മാര്‍ട്ട് ഷീല്‍ഡ് ടെക്നോളജിയോടൊപ്പമാണ്. നിങ്ങളുടെ വേനലുകള്‍ പുതുമയുള്ളതും, കൂടുതല്‍ സുരക്ഷിതവും, ശുചിത്വപൂര്‍ണ്ണവുമാണെന്ന് ഈ സാങ്കേതികവിദ്യ ഉറപ്പു വരുത്തുന്നു. ഈ സാങ്കേതികവിദ്യയില്‍ ജല ടാങ്ക് ഒരു ബാക്ടീരിയ-വിരുദ്ധ വസ്തു ചേര്‍ത്ത് ട്രീറ്റു ചെയ്യുന്നു, ഇത് ജല ടാങ്കില്‍ ബാക്ടീരിയ ഉണ്ടാകുന്നത് കുറയ്ക്കുവാന്‍ സഹായിക്കുകയും പായല്‍ വളര്‍ച്ച പരിമിതപ്പെടുത്തുകയും ചെയ്യുന്നു.

  ii. ഇത് എങ്ങനെയാണ് പ്രവര്‍ത്തിക്കുന്നത്?

  എന്‍9 പ്ലാസ്റ്റിക്സ് ഒരു അനന്യമായ സങ്കലനമാണ്. ഈ മിശ്രണത്തിലുള്ള സിലിക്ക, അയോണുകളുടെ സാവധാനത്തിലുള്ള വിട്ടുകൊടുക്കലിന് സഹായിക്കുന്നു. ഈ അയോണുകള്‍ ബാക്ടീരിയ ഉണ്ടാകുന്നത് കുറയ്ക്കുവാന്‍ സഹായിക്കുകയും ടാങ്കില്‍ പായല്‍ വളരുന്നത് പരിമിതപ്പെടുത്തുകയും ചെയ്യുന്നു. 

  നേട്ടങ്ങള്‍:

  1. കൂടുതല്‍ സുരക്ഷിതം: ബാക്ടീരിയ-വിരുദ്ധം - ജല ടാങ്കിലെ ബാക്ടീരിയ വളര്‍ച്ചയില്‍ 99% കുറവ് അതുകൊണ്ട് സാധാരണ ടാങ്കോടുകൂടിയ മറ്റു കൂളറുകളുമായി താരതമ്യപ്പെടുത്തുമ്പോള്‍ തണുപ്പിക്കപ്പെട്ട വായു വളരെയേറെ പുതുമയുള്ളതും കൂടുതല്‍ സുരക്ഷിതവുമാണ്. 

  2. കൂടുതല്‍ പുതുമയുള്ളത്: പായല്‍ പ്രതിരോധം - പ്ലാസ്റ്റിക് ടാങ്കില്‍ പായല്‍ വളരുന്നത് പരിമിതപ്പെടുത്തുന്നത് കൂളറിനെ കൂടുതല്‍ വൃത്തിയായി സൂക്ഷിക്കുന്നതിനും ബന്ധപ്പെട്ട ദുര്‍ഗന്ധം കുറയ്ക്കുന്നതിനും സഹായിക്കുന്നു.

  3. ശുചിത്വമുള്ളത്: സവിശേഷ സ്മാര്‍ട്ട് ഷീല്‍ഡ് ടെക്നോളജി പ്ലാസ്റ്റിക് ടാങ്കിലെ സൂക്ഷ്മാണുക്കളുടെ വളര്‍ച്ചയെ കുറക്കുകയും അതിലൂടെ വായുവിനെ പുതുമയുള്ളതും വൃത്തിയുള്ളതുമായി സൂക്ഷിക്കുകയും ചെയ്യുന്നു. 

• G. എങ്ങനെയാണ് ഫ്ളോട്ട് വാല്‍വ് (ഓട്ടോ-ഫില്‍) പ്രവര്‍ത്തിക്കുന്നത്?  

  കൂളര്‍ ടാങ്കിനുള്ളില്‍ ഒരു പൊള്ളയായ പന്തുമായി സാദൃശ്യമുള്ള ഒരുപകരണം, ഒരു ഫ്ളോട്ട് വാല്‍വ്, പിടിപ്പിച്ചിട്ടുണ്ട്. ഓരോ തവണയും വെള്ളം ഏറ്റവും കുറഞ്ഞ നിലയിലും താഴെ വരുമ്പോള്‍, ഈ വാട്ടര്‍ ഫ്ളോട്ട് വാല്‍വ് അത് കണ്ടെത്തുകയും, ഹോസ് കണക്ടര്‍ വഴി തുറന്നിരിക്കുന്ന ഒരു ജല പൈപ്പ് ടാങ്കുമായി ബന്ധിപ്പിച്ചിട്ടുണ്ടെങ്കില്‍, ടാങ്കിനുള്ളിലെ ജലമൊഴുക്ക് ആരംഭിക്കുകയും ചെയ്യും ഇതേ രീതിയില്‍ വെള്ളം പരമാവധി നിലയില്‍ എത്തുമ്പോള്‍ അത് ഉള്ളിലേക്കുള്ള ജലമൊഴുക്ക് നിര്‍ത്തുകയും ചെയ്യും. ഇത് ഒരു യാന്ത്രികമായ പ്രക്രിയയാണ്, നിങ്ങള്‍ കൈകൊണ്ട് ജല ടാങ്ക് നിറയ്ക്കേണ്ട ആവശ്യമില്ല.